ચોર મંદિરમાંથી ચોરી કરીને ભાગવા જતાં બારીમાં ફસાઈ ગયો

આંધ્રપ્રદેશના શ્રીકાકુલમ જિલ્લામાંથી એક ખૂબ જ રસપ્રદ ઘટના સામે આવી છે. ચોર શ્રીકાકુલમ જિલ્લાના જામી યેલમ્મા મંદિરમાંથી દાગીનાની ચોરી કરીને ભાગી રહ્યો હતો ત્યારે તે વેન્ટિલેશન વિન્ડોમાં ફસાઈ ગયો અને રંગે હાથે ઝડપાઈ ગયો હતો. જિલ્લાના કાંચીલી પોલીસ સ્ટેશનમાં ચોરીનો ગુનો નોંધીને આરોપી સામે કાર્યવાહી શરૂ કરવામાં આવી છે. મંદિરમાંથી ચોરાયેલા 9 ગ્રામ ચાંદીના દાગીના સાથે ચોર રંગે હાથે ઝડપાયો હતો.

Andhra Pradesh | A thief got stuck in a wall hole after stealing silver from Jami Yellamma Temple in Srikakulam

Robbery case registered against him for stealing 9 gms silver from the temple. He was caught red-handed after he failed to escape from the hole…: SI Chiranjeevi pic.twitter.com/MD46GHZdTX

— ANI (@ANI) April 6, 2022

કાંચી પોલીસ સ્ટેશનના વરિષ્ઠ પોલીસ અધિકારીએ જણાવ્યું કે 30 વર્ષીય ચોરની ઓળખ પાપા રાવ તરીકે થઈ છે. તે દારૂનો વ્યસની છે અને તેના માટે ચોરી કરવાનો પ્રયાસ કરતો રહે છે. તેણે અગાઉ દારૂ ખરીદવા માટે તેની માતાના ઘરેથી એલપીજી સિલિન્ડરની ચોરી કરી હતી. ચોર માતાની નાકની નથણી અને અન્ય ચાંદીના ઘરેણાં બહાર ફેંકતો જોવા મળ્યો હતો. વેન્ટિલેશનની બારી તોડીને તે અંદર ગયો હતો અને બહાર નીકળતી વખતે ફસાઈ ગયો હતો.