સિગ્નલ પર ભીખ માંગતા બાળકો હવે ભણશે, મુખ્યમંત્રીએ કહિયું “ભિક્ષા નહીં શિક્ષા”

ગુજરાતમાં અમદાવાદ શહેરના રસ્તાઓ પર ભીખ માંગતા અને ઘરવિહોણા બાળકો માટે “ભિક્ષા નહીં શિક્ષા” પ્રોજેક્ટ આજે શરૂ કરવામાં આવ્યો છે. મુખ્યમંત્રી ભૂપેન્દ્ર પટેલ, ગુજરાત હાઈકોર્ટના ચીફ જસ્ટિસ અરવિંદ કુમાર અને સુપ્રીમ કોર્ટના જજ એમ.આર.શાહ અને ભાજપના નેતાઓએ સિગ્નલ સ્કૂલ બસોને લીલી ઝંડી બતાવી હતી. મુખ્યપ્રધાને ધ્વજવંદન કરતા પહેલા મહાનગરપાલિકા દ્વારા બનાવેલ સિગ્નલ સ્કૂલ બસમાં બેસીને બાળકોને કઈ સુવિધાઓ આપવામાં આવશે અને તેઓ કેવી રીતે અભ્યાસ કરશે તેની માહિતી લીધી હતી.

આ સિગ્નલ સ્કૂલો રાજ્ય સરકાર, અમદાવાદ મ્યુનિસિપલ સ્કૂલ બોર્ડ અને ગુજરાત સ્ટેટ લીગલ સર્વિસ ઓથોરિટી દ્વારા ચલાવવામાં આવશે. અમદાવાદ મ્યુનિસિપલ કોર્પોરેશને રૂ. 35 કરોડ ફાળવવામાં આવ્યા છે અને 10 સિગ્નલ સ્કૂલ બસો શરૂ કરવામાં આવી છે. પ્રથમ તબક્કામાં કુલ 139 બાળકોને અત્યાધુનિક સુવિધાઓ સાથે શાળાના વર્ગખંડમાં ભણાવવામાં આવશે.

દિવ્યભાસ્કર તમને રસ્તા પર ભીખ માંગતા બાળકોને શીખવવા માટે બનાવવામાં આવેલી આ સિગ્નલ સ્કૂલ બસ વિશે જણાવી રહ્યું છે, બસમાં શું સુવિધાઓ છે અને બાળકોને કેવી રીતે ભણાવવામાં આવશે. સવારે શહેરના અલગ-અલગ ચાર રસ્તા પર સિગ્નલથી સિગ્નલ સ્કૂલ સુધી બાળકોને ભણાવવા બસમાં બેસાડવામાં આવશે. નિયત જગ્યાએ બસને ઉભી રાખીને તેમનો અભ્યાસ કરવામાં આવશે. સવારે 10 થી 1 વાગ્યા સુધી ચાર કલાકનું શિક્ષણ આપવામાં આવશે. તૈયાર કરાયેલા આ સિગ્નલ સ્કૂલ બસમાં તમામ પ્રકારની સુવિધા આપવામાં આવી છે.

(ફોટો: દિવ્ય ભાસ્કર)