‘ધ કશ્મીર ફાઇલ્સ’ અંગે કેરળ કૉંગ્રેસે ફિલ્મની ટીકા કરી

`દ કશ્મીર ફાઇલ્સ` (The Kashmir Files) હાલ ચર્ચામાં છવાયેલી છે. આ ફિલ્મ કશ્મીરી પંડિતોના નરસંહાર ઉપર બનેલી છે. લોકોને આ ફિલ્મ ખૂબ પસંદ પણ આવી રહી છે.

આ દરમિયાન કેરળ કૉંગ્રેસે ફિલ્મની ટીકા કરી છે. રવિવારે કેરળ કૉંગ્રેસે ટ્વીટ કરીને કહ્યું કે જમ્મૂ-કશ્મીરમાં મારી નાખવામાં આવેલા પંડિતોથી વધારે સંખ્યા તો મુસ્લિમોની રહી છે.

આગળ તેમણે લખ્યું કે “તે આતંકવાદી હતા જેમણે કશ્મીરી પંડિતોને નિશાનો બનાવ્યો. વર્ષ 1990થી લઈને 2007 વચ્ચે 17 વર્ષોમાં આતંકવાદી હુમલામાં 399 પંડિતોની હત્યા કરવામાં આવી. આ સમયમાં આતંકવાદીઓએ 15 હજાર મુસલમાનોની હત્યા કરી દીધી.

આગળ લખ્યું કે ઘાટીથી કશ્મીરી પંડિતોનું પલાયન તત્કાલીન રાજ્યપાલ જગમોહનના નિર્દેશ પર થયું હતું, જે આરએસએસનો માણસ હતો.”

કેરળ કૉંગ્રેસે આગળ લખ્યું કે, “કશ્મીરી પંડિતોનું પલાયન બીજેપીના સમર્થનવાળી વીપી સિંહ સરકારના સમયમાં શરૂ થયું હતું.”

“બીજેપીના સમર્થનવાળી વીપી સિંહ સરકાર ડિસેમ્બર 1989માં સત્તામાં આવી. પંડિતોનું પલાયન તેના બરાબર એક મહિના પછીથી શરૂ થઈ ગયું. કૉંગ્રેસે કહ્યું કે બીજેપીએ આના પર કંઇ ન કર્યું અને નવેમ્બર 1990 સુધી વીપી સિંહ સરકારને પોતાનું સમર્થન આપતા રહ્યા.”

“કૉંગ્રેસે દાવો કર્યો કે યૂપીએ સરકારે જમ્મૂમાં કશ્મીરી પંડિતો માટે 5242 આવાસ બનાવડાવ્યા. આ સિવાય પંડિતોના પ્રત્યેક પરિવારને 5 લાખ રૂપિયાની મદદ રકમ પણ આપી, આમાં પંડિતોના પરિવારના વિદ્યાર્થીઓને સ્કૉલરશિપ અને ખેડૂતો માટે કલ્યાણકારી યોજનાઓ સામેલ હતી.”

એક પછી એક ટ્વીટ બાદ સોશિયલ મીડિયા પર વિવાદ ઉભો થતાં કૉંગ્રેસે આ ટ્વીટ ડિલીટ કરી દીધું.